غفوة ع شفاف الزهر

يا ليل اللي غفي
ع شفاف الدهر
بعدما زهّر الدرب
واسعد القلب
وسرح بالوادي
والجبل

وافتكر السعادة
بالامل
ودوّن الذكرى
ع اوراق الشجر
ولملم البسمة
مع خرير النهر
قطف الحب عناقيد
مع هيك الوهم
غنى المواويل
مع فراشات الربيع
وراح يرتل
مع طلوع السحر
غنية غريبة مليانة
قهر
رحل الفرح بطلوع
الشمس
وترك الدنيا بلاهمس
انزوت النايات
والعمر فات
وغاب الود
وانجرح القلب
والمحبة بقيت
ناطرة
التغريد مع الف
تنهيدة
يمكن بيوم الحب
يعيد الغنّية
او يشتاق للدرب
من جديد
جمانة عيتاني@
*************************