ارتفع القمر

غنيت ع دروب المسا
حتى ارتفع القمر
في الفضا
وتخبّى بين الغيمات
يخجل من الهمسات
راح يداعب نجمات

قلبي مع البسمات
العصافير ع الغصون
تغرد
و ميّة النهر تجري
مع الخرير
الكل عم يرقص فرحان
والصبية قلبها طاير
وع الدرب داير حاير
ع زهرة السلام
بغزة ولبنان
ع وردة امان
ببلاد الشام
راحت تجمع قطرات
الدمع من الاخوات
والامهات
ع شباب ذرفوها
تاهوا بحريق
او بين امواج البحر
ضاعوا برصاصة غدر
من عدو يصهل صهيل
أو أخ قيدوه بسلاسل
يا قمر حقك تخجل
من الظلم والعدوان
والبنت حقها ما تترك
الدوران
عن ساحة الحرية
عن مخدة وفية
تجمع الأخوة
ليطيروا طيران الفَراش
اللي بربيع العرب
كانت مضوية
يا نجمة الاحبة
ضوي بسما الحرية
ومدي ابناءها بالقوة
تيصمدوا بوجه
نير الاستعمار
@ جمانة عيتاني @
*********************