لح حلفك بالزهر

لح حلفك بالزهر
يا فراشات
وبعطر الورد والريحان
بقول قربي من قلبي
وارفعي الرايات
رايات الحب بدربي
وقولي للربيع يفرش
الفضا بسما زرقا
قولي له
انو السهل اخضر
والزهر عم يسكر
من ندى النسمات
وهمس البسمات
خبريه انو الدنيي
عم ترقص
ع صدى النايات
وعم بيغني غنيات
يمكن البحر يهدا
يمكن النهر يثور
يمكن الموجات
تعلى و تعمر قصور
خبريه الوادي ما عاد
بعيد
والمرج قريب
والجبل عالي
بس لح يحضننا عالاكيد
@ جمانة عيتاني @ شاعرة الكلمة *لؤلؤة الجمان*