لو جن القمر

لو جن القمر
وضيّع ليل العمر
ورسم الليل
ع شبابيك السهر
لو جن القمر وراح
يحفر الأسامي
عالغيمات
مع النسمات
بهيك السهل
وتغرد له عصافير
بأحلى مواويل
من الزمن الغادي
والعمر الشادي
لو جن القمر
وحمل الهمسات
ووزعها ع الابواب
مع وردة خجلانة
من عيون بكيانة
من سنين تعبانة
لو جن القمر
وقال بحبكم
يا بشر
والضو ينتشر
ع مدى العمر
ع أرض الأحلام
لاختفت الأوهام
وعشنا بأمان
ع طول العمر
@ جمانة عيتاني @ * شاعرة الكلمة * لؤلؤة الجمان *